CB900

無問題啦！曾生話死都唔放獅子，每人有不同情感，以前係好股票，而家有沒有變質呢？
可能五年後又改好呢？但散戶投資者邊有咁多錢坐艇

goldwater

外邊有個玩江恩時間嘅，話係好準，準嘅原因係隔一兩日又係轉勢，力度改變係轉勢，方向改變又係轉勢，總之準到無論啦，佢而家叫人將手上持有嘅貨全部清倉迎接股災，真係唔知真定假；

但今日升幾百點問題就出來啦，若果下週真如牛熊車蛇所講，企硬23000樓上去到結算，訊號上就出現上升訊號，農曆年前又上番25000樓上，所以太長週期嘅圖表好多變數，只可以參考，而5仔圖形，個人判其只是一段升幅後的整固，完成後會突破100元，信則有，買定離手！

係呢，邊個曾生？係咪呀倉？其實好難講，每個人觀點唔同，自己一套未必啱人用，就好似波浪大師許，早一兩年我都判佢數錯浪！

[ 本帖最後由 goldwater 於 2014-12-19 20:26 編輯 ]

CB900

其實到明年九月獅子降低到10％，基金沽貨，大把貨,盈富又要沽....搵人接

goldwater

其實我哋玩圖表嘅，任何消息都只係參考，甚至可以劃清界線，就好似樓市，間間大行分析都話跌，最多講到跌六至七成，我單憑一幅簡單嘅中原指標圖，可以判定今年係升市，想番起當時，又有冇人夠胆同市場聲音唱反調？

CB900

匯豐銀行被調低恒生成份股比例到10%是事實,唔係消息喎

goldwater

呢啲數字遊戲我都唔識計，其實恆指四十幾隻成份股單單佢一隻就佔咗10%都好過份，記得歷史有啲脫離成份股後反而大升，呢點又諗唔通！

我個人最憎佢嘅投資部，十足十賊一樣！

goldwater

另外用圖表派識計嘅數，5仔由2011年11低位50.1元升上86.9元，調整0.618=64.15元，而昨天低位71.95就係升幅0.4倍，亦達到調整基本0.382之上的要求，所以不能睇得太淡，只係正常調整來嘅！

Speedfox

goldwater

雖然覺得5號仔大跌機會不大，但我都認同CB版主所講，有其他更好選擇，就如3大國企銀行無論息口及圖表走勢上都更吸引，記得2004年朋友叫我買#52大快活，當時股價大約2元，10年後今日股價又再創新高上過19.6元，賬面上好似升咗近9倍，但實際上係唔止呢個數，隨住每年有息派，計埋條數基乎零成本！只要買啱，真係可以放落櫃桶底！

再講番5號同2888兩隻無論圖上有分別，就算政策上完全唔同，由2888已先步入熊市，稍後大家開論新話題討論吓點解兩隻股嘅分別，仲可以預計到明年美股爆煲前嘅浪頂位。

toshiyahk

Yyyyyyyyyyyyyy