有一點時間, 就講解一下大家既疑問
其實大家都是同一套功夫, 只是角度不同, 這角度不是大家看法或方向不一致, 而是站在不同的高度有不同的理解, 這理解沒有對與錯, 只有先與後
就用坐直昇機做比喻, 直昇機升得低, 所看的視野比較細微, 準確度比較高, 但局限係某視野之中, 如搜尋轉角位或短期急升/跌位比較好 (即 day trade 或 即月)
直昇機升得高, 視野廣闊, 看既野比較全面, 但唔夠細微, 所以準確度會有偏差, 但如要推測大方向就會比較全面 (以星期或1-3個月為佳)
如果直昇機升得低, 看到前便有山, 你會升高 d, 過左個山有山谷, 你會降返低 d
但如果直昇機升得高, 不管有山定山谷, 保持水平同方向就得了
敢你話你架直昇機係邊個高度呢?
好! 講返股市, 唔好以為我會知星期一會急升, 如果知道, 我買即月好過啦, 使鬼買 9 月同 10 月咩, 仲要係細 call 仔
我只知我架直昇機高度係邊, 我既視野而家好廣闊, 見到前便有座山, 所以對策亦係為了呢座山, 而我既視野又睇到呢座可能係 八仙嶺, 中間有高有低, 只要我架直昇機升高過最高既山就得了, 其他既山脈高低只是一些小波幅, 當然在股市中, 直昇機係咁高, 要接受幾佰點都可能係小波幅, 只要個山高度唔好高過我架直昇機就得了, 呢個適合我呢d年紀大既人, 身手又唔夠靈活既人用
直昇機升得低, 見到只是剛剛過左個山谷, 下一座山又唔係好高, 果山後便又有個小山谷, 所以策略亦都唔同, 呢個時候升高少少, 等下果山谷容易降回合適位置, 年青人比較合適呢種方法, 壓力亦都無咁多
大家同一功夫, 角度不同, 所以策略唔同, 出招先後都會唔同, 對否?