等足一日,十分鐘嘅說話就係安排我做手術,大佬,當為一個專科醫生,係咪應該用多小小時同我分析吓個病情?究竟有冇其他可行嘅辦法呢?我問佢有關呢幾個問題,佢都係say no,最後我答佢比啲時間消化吓,諗住出咗院先算啦,之後佢嘅反應好唔耐煩就話嘞:「金先生,你有買保險,手術費都唔求問題啦,仲考慮乜嘢?而且而家出院都要計兩日,好唔化算,不如一次過做埋啦!」原來攪到咁夜係有哂計劃嘅,十足十似強迫我一定要做呢個手術咁,最後我都決定出院,好攰要番屋企瞓番覺好先講,
佢好無奈講:「咁都唔強迫你啦,不過提醒你早一曰做好過遲一日做,而家就寫紙比你出院,兩個星期後來覆診。」
番到屋企12:30am