好耐無係呢道講過簡單既技術分析, 上便有同學講開MACD, 見有D時間, 我地就重溫下睇圖方法
首先就講吓最簡單既MACD, 下圖係5號仔既日圖
上便紅色既係快線(又叫差離值或DIF), 綠色既係慢線(又叫訊號線或DEM), 打橫有一條叫零線, 而橙色既係OSC棒形圖, 呢個係快線值減慢線值
晝MACD要用3個參數, 如果用AASTOCK, 佢用12, 26, 9, 呢個參數點解就看牛熊兄條LINK
睇MACD圖, 有以下6個情況
1. 快線從低位向上交叉慢線(箭咀1或6), 係零線下發生, 要等OSC 係正數(箭咀2或7), 即係之前既走勢係下跌, 將會行下跌中既反彈
2. 快線高過慢線, 當兩條線從下便向上沖過零線(箭咀10), OSC 係正數, 即係發出財演講既雙牛信號, 股價會利好向上
相反:
3. 當快線從高位向下交叉慢線(箭咀3), 係零線上發生, 要等OSC 係負數(箭咀4), 即係之前既走勢係上升, 將會行上升中既回調
4. 快線低過慢線, 當兩條線從上便向下沖過零線(箭咀5), OSC 係負數, 即係發出財演講既雙熊信號, 股價會利淡向下
至於
5. 快線從低位向上交叉慢線, 係零線上發生, , 要等OSC 係正數, 即係之前既走勢係上升并完成回調, 後市繼續利好向上 (上圖沒有此情況)
6. 相反, 快線從高位向下交叉慢線(箭咀8), 係零線下發生, , 要等OSC 係負數(箭咀9), 即係之前既走勢係下跌并完成反彈, 後市繼續下跌
當然最好睇埋成交量, 不過呢個TOPIC就等之後再講
[
本帖最後由 ourstation 於 2015-9-5 02:56 編輯 ]