苦日子將到, 由呢隻狼羊開始!
一群羊裡面, 有幾隻大肥羊做左d衰野, 佢地當然系抵死!
呢群羊吸引之處, 唔止系溫馴天真, 最重要系有勁多辛苦搵番嚟嘅儲備, 對狼群嚟講, 簡直系一個金礦, 上面嘅狼群一直虎視耽耽, 佢地誓要搶奪呢個被羊欄隔開嘅金礦!
狼群知道嗰幾隻大肥羊做左好多衰野, 一路唔出聲, 但暗中搜集佢地嘅黑材料 (仲包括好多小肥羊嘅衰野), 以留後用。
在不斷混入"披着羊皮的狼"(簡稱”狼羊族”)到羊群內的同時, 佢地亦搵左d天生有狼性嘅羊做二五羊。
大部份嘅羊成日掛住食草, 乜都唔理, 被狼羊族同二五羊呃左, 用天文數字去建造一條高速通道出羊欄, 佢地嘅金礦有難囉, 但呢個只系開始!
終於有一日, 狼羊族有隻狼羊做左呢群羊嘅首領, 狼群開始行動!
可憐大部份羊仲懵盛盛, 以為佢系會change嘅奧巴羊! 查真佢只系狼羊族一隻小器狼羊!
嗰幾隻大肥羊一路都反對小器狼羊做首領, 因佢地都知小器狼羊系披着羊皮嘅狼; 佢地更加明白, 狼, 系會食羊架!
其實, 隻小器狼羊唔止無料到, 重系非常記仇嘅狼, 佢恃住有班大佬狼系後面撐, 就即刻秋後算帳, 嗰幾隻反對過佢嘅大肥羊首當其衝, 黑材料隨即曝光而被處置, 估計好快就會被送出羊欄給狼群吃掉。
好些無知嘅瘦羊, c9羊及小肥羊對此還加以讚許, 以為救星到, 可以趕走大肥羊, 殊不知黑暗日子已近在眼前, 且更會禍延後代, 因為當呢班大肥羊被處理後, 只會換來另一班大肥羊(今次卻是狼羊)做更加衰嘅野; 而當小器狼羊搵到23條鎖匙後, 佢就可以正式將羊欄打開, 狼群便可進入羊欄內予取予攜, 所有羊將會在狼口下生存, 羊唔會再有好日子過!
系未得到23條鎖匙前, 小器狼羊仲需要扮下好羊, 即使如此, 佢已急不及待向金礦伸手, 要攞d出嚟, 每年分近一億俾d狼羊族同二五羊, 等佢地做番台”五屍十四命”嘅戲, 俾大佬狼嚟睇下佢幾叻!
嚟緊, 為左掘金礦, 又要令羊群唔覺唔覺, 小器狼羊將會有好多好多嘅大項目, 大工程, 大投資(如羊權基金), 美其名系對羊群好, 建設將來, 點不知, 項目愈大, (狼羊族同二五羊可)食水愈深 --- 過水濕腳, 本來就系狼群嘅習性!
可嘆嘅系, 羊群將會發覺雖然金礦愈來愈細, 但日子卻愈來愈苦, 愈來愈難過!
幸好, 尚有一班已醒覺嘅羊, 組成復仇羊聯盟 ---- 羊民力量, 在為對抗小器狼羊, 五屍十四命台戲及23條鎖匙開羊欄這正義而戰!
只要更多羊醒覺, 只要更多羊支持復仇羊聯盟 ---- 羊民力量, 羊欄將可保住, 羊的後代將可避免生活在狼口之下!