唱反調!
唔講股講吓報紙,今日報章上有個標題「唱反調」,都幾得意嘅,
該分析師話,佢睇報紙其中一個原因係「尋找相反意見」,因為佢係一個相反理論擁護者,越多人同自己意見相反,對佢自己分析越有信心;
係咪幾攪笑呢?首先要攪清楚自己站嘅係人多果邊,還是人小果邊先,通常自己淨係同自己講咁就真係人數小得可憐,但無論企响邊面都唔緊要,總之佢抱住呢種心態去炒股或者教學生,真係祖宗山墳都比佢輸清,我金水理論同佢相反,我只會跟紅頂白嘅,唔會做儍事;
而佢所討論嘅係日經指數,有大行指日經明年見萬八,指數昨天收15619點,佢話會在16480至16730見頂,老實講,日本仔行咗二十幾年大熊市,啱啱先至重生,咁快想人死!從圖表上由08年至12年的三年多的築底區,出現一組見底訉號(揳形),(上次有人唔識何謂楔形,今次有機會教吓你)之後的走勢是完整的浪1上升,完成浪2調整,剛剛突破一組旗形,現正運行浪3,相信此組浪3的高位基本就會突破萬九,作為一個分析師,唔應該每事拗頸!